Ae Mere Watan Ke Iniciar sesión

English Transliteration

Ae Mere Watan Ke Logon, Tum Khoob Laga Lo Naara.
Yeh Shubh Din Hai Hum Sabka, Lehra Lo Tiranga Pyaara.
Par Mat Bhoolo Seema Par, Veeron Ne Hai Praan Ganwaaye.
Kuchh Yaad Unhe Bhi Kar Lo, Jo Laut Ke Ghar Na Aaye.

Ae Mere Watan Ke Logon, Zara Aankh Mein Bhar Lo Paani.
Jo Shaheed Hue Hain Unki, Zara Yaad Karo Kurbaani.

Jab Desh Mein Thi Diwali, Wo Khel Rahe The Holi.
Jab Hum Baithe The Gharon Mein, Wo Jhel Rahe The Goli.
The Dhanya Jawaan Wo Apne, Thi Dhanya Wo Unki Jawaani.
Jo Shaheed Hue Hain Unki, Zara Yaad Karo Kurbaani.

Koyi Sikh Koyi Jaat Maratha, Koyi Gurkha Koyi Madrasi.
Sarhad Par Marne Wala, Har Veer Tha Bharatwasi.
Jo Khoon Gira Parvat Par, Wo Khoon Tha Hindustani.
Jo Shaheed Hue Hain Unki, Zara Yaad Karo Kurbaani.

Thi Khoon Se Lathpath Kaaya, Phir Bhi Bandook Uthake.
Das-Das Ko Ek Ne Maara, Phir Gir Gaye Hosh Ganwaake.
Jab Ant Samay Aaya To, Keh Gaye Ke Ab Marte Hain.
Khush Rehna Desh Ke Pyaaron, Ab Hum To Safar Karte Hain.

Kya Log The Wo Deewaane, Kya Log The Wo Abhimaani.
Jo Shaheed Hue Hain Unki, Zara Yaad Karo Kurbaani.

Tum Bhool Na Jaao Unko, Isliye Kahi Ye Kahaani.
Jo Shaheed Hue Hain Unki, Zara Yaad Karo Kurbaani.